Lima ka mga mahistrado ang gitakdang interbyuhun sa Judicial and Bar Council (JBC) sa Manila human sila napili isip shortlisted o kandidato sa posisyon nga Chief Justice sa Korte Suprema.
Mahinumduman nga human sa compulsory retirement ni Hon. Alexander G. Gesmundo sa Nobyembre 6, 2026, kinahanglan aduna nay makahulip sa iyang bakantihan nga posisyon.
Gisugdan ang interview sa Oktubre 22, 2026 sa Supreme Court Session Hall diin si Marvic Mario Victor Famorca Leonen ang unang kandidato sa buntag ug si Alfredo Benjamin Sabater Caguioa sa hapon.
Gipadayon ang ikaduhang hugna sa Oktubre 26, 2026 nga naglakip sa mga kandidato nga sila Rodil Vaquilar Zalameda, Japar Babay Dimaampao, ug Jose Midas Pascual Marquez.
Aron mahimong sihag, mi-abiso ang JBC nga ang publiko mahimong mosumite sa sworn complaints, reports, o oppositions batok sa kandidato pinaagi sa sulat o personal nga paghatod sa opisina sa JBC sa Supreme Court–Court of Appeals Building sa Ermita, Manila.
Ang mga dokumento kinahanglan nga tulo ka kopya ug mahimong ipadala pinaagi sa email sa jbc@judiciary.gov.ph. Gipunting sa JBC nga ang deadline sa pagsumiter mao ang Oktubre 27, 2026 alas 4:30 sa hapon.
