Daghang bug-at nga rason ang gobyerno sa China kung nganong aduna silay kapas nga mupasumbingay nga paspas nilang mapildi ang Pilipinas oras nga kini mu-inisyar sa giyera.
Kini ang gibutyag ni Prof. Renato De Castro, International Relations ug Foreign Policy Expert sa De La Salle University Manila.
Alang sa propesor seryoso ang kapasidad sa China nga gamiton ang dagat batok sa Pilipinas. Gipasabot niini nga ang nakalabaw ang Beijing sa gidaghanon sa naval vessels, itande sa mga barkong igugubat sa United States Navy ilabi na sa rehiyon sa Indo‑Pacific.
Gidugang pa niini nga samtang naka‑focus ang Estados Unidos sa Middle East ug sa tensiyon batok sa Iran, mas nakapahimulos ang China sa pagpalapad sa presensya sa dagat ilabe na sa ilang mga silingang nasud sa Asya.
Gipunting ni De Castro nga ang kusog sa hukbong dagat sa Tsina gi‑back‑upan sa episyente nga shipbuilding industry ug sa lig‑on nga ekonomiya.
Una nang namahayag ang propesor nga kini nga kalkulasyon naghatag sa lig‑on nga basehan sa Beijing aron ipakita ang gahum ug ipatuman ang ilang interes sa rehiyon.
