Gipanawagan ni Former DepEd Director ug kanhi Vice Governor Joey Pelaez ang seryosong pag-review sa discipline policies ug ang pagbalik sa disciplinary authority sa mga magtutudlo segun sa nagsaka nga kaso sa in-campus violence sa nasud.
Gipadayag sa kanhing opisyal nga spoiled na ug wala na’y kahadlok sa mga maestra ang mga estudyante karon tungod sa kawala na’y gahum sa eskwelahan sa pagbadlong sa kabatan-onan.
Apan, gipunting ni Pelaez nga dako ang epekto sa mga violent content sa internet ug impluwensya sa Western countries nga nagdala og samok sa mga batan-on.
Busa, gipamugos sa opisyal nga mas maayong kopyahon ang silingang mga nasud sa Asia sama sa Singapore sa pagpatuman og epektibong disiplina sa mga estudyante.
