Inilarawan ni Former DepEd Director at dating Vice Governor Joey Pelaez na isang “comedy of errors” at katawa-tawa ang mga hakbang ng gobyerno laban sa mga krisis sa bansa.
Binatikos ng opisyal ang mga ideya tulad ng pagbili ng maliliit na fire truck, paggamit ng balde sa tubig-ulan, at ang pagpapapayong na lamang sa mga estudyante at guro laban sa El Niño.
Dagdag pa rito, itinuro ng lider na naging katawa-tawa na ang bansa sa buong Asya dahil sa mga walang malinaw na solusyong inilalabas ng pamahalaan.
Dahil dito, iginiit ng opisyal na kinakailangang magkaroon ng maayos at epektibong plano ang gobyerno imbes na magpalabas ng mga katawa-tawang mungkahi sa publiko.
