Gisinggit sa Moro Consensus Group ang dinalian nga pagtukod og Independent Truth Commission aron ma-imbestigahan ang matuod nga hinungdan sa pagkahitabo sa Marawi Siege siyam ka tuig na ang nakalabay.
Gipadayag ni Chairman Drieza Lininding nga pabilin nga gitabonan sa kangitngit ug pagduhaduha ang mga panghitabo sa wala pa ang kagubot ug ang kapakyas sa seguridad sa dakbayan.
Dugang pa sa opisyal, makapasubo nga nagpakabungol lang ang kagamhanan ug ang Kongreso sa paghatag og saktong tubag ug hustisya sa pagkaguba sa komunidad.
Tungod niini, gipanawagan sa grupo ang gilayon nga pagsusi aron sa katapusan mahatagan og kalinaw ug kagawasan sa kasakit ang liboan ka mga bakwit sa Marawi
