Gipamugos ni Presidential Communications Office (PCO) Undersecretary Claire Castro nga kinahanglang imbestigahan pag-ayo ang mga pasangil nga dunay laing nasud nga gahatag og pondo sa usa ka negosyo ug political foundation.
Matud ni Castro, kung adunay igong ebidensya ug bahin ang hisgutanan sa nasudnong seguridad, angay lamang nga paminawon ang panawagan sa mga mananagat. Bisan pa niana, gipasiugda sa opisyal nga dili kini angay mosangpot sa bisan unsang paghukom samtang wala pa masusi pag-ayo ang maong mga pasangil.
Dugtong niini, gihatagan usab sa gibug-aton ni Castro ang importansya sa pagpalawom sa imbestigasyon aron matino ang kamatuoran sa likod sa maong isyu, ilabi na kung duna kini implikasyon sa nasudnong seguridad.
