Gikumpirma sa Hepe sa Public Information Ofice sa Philippine National Police (PNP) nga si PCol. Allen Rae Co nga aduna nay na-subpoena ang Criminal Investigation and Detection Group (CIDG) nga mga indibidwal nga makahatag og kantin-awan bahin sa nababagan nga 521 ka kilo nga drug shipment gikan sa Laos nga gikatakdang ipalusot unta sa Pilipinas.
Matud ni Co, nagpagawas na ang CIDG og sub-poena sa dili moubos sa 21 ka mga indibidwal aron mahatagan sila sa higayon nga maghatag og katin-awan sa ilang bahin ug magamit ang ilang katungod nga madungog, diin ang uban niini kay direktang nalambigit sa maong transaksyon.
Dugtong niini, giaghat usab ni Co ang tanang mga nahatagan og subpoena nga mokooperar pinaagi sa pagtunga, samtang kadtong nakadawat og subpoena duces tecum kay kinahanglang mgadala sa gipangayong dokumento.
