Gipahamtangan og curfew ang pipila ka lugar sa France human sa grabeng kagubot ug pagpangawat atol sa mga protesta sa nagkadaiyang siyudad sa nasod.
Lakip niini ang Place de la République ug Les Halles sa Paris, diin gidid-an ang pagpundok sa publiko ug gipatuman ang curfew gikan alas 11 sa gabii hangtod alas 6 sa buntag, lokal nga oras.
Ang kagubot misunod sa mga protesta batok sa pagsaka sa gasto sa panginabuhi ug mga reklamo bahin sa kahimtang sa mga eskuylahan ug serbisyo publiko.
Sumala sa French Interior Ministry, mokabat sa 2,400 ka tawo ang gidakop, samtang gibanabanang 3,000 ka negosyo ang naapektuhan sa pagpangawat ug pagdaot.
Ang maong Restriksyon gipahamtang aron mapugngan ang dugang nga pagpanlupig ug mapanalipdan ang mga tawo ug kabtangan, samtang naningkamot ang gobyerno nga mapasig-uli ang kalinaw ug kahusay. -(jane abulag)
