Gipangulohan ni Anti-Red Tape Authority (ARTA) Director General Ernesto V. Perez ang pagbukas sa 11th Meeting of the ASEAN-OECD Good Regulatory Practices Network (GRPN).
Gitutukan sa temang “Complexity to Clarity: Advancing Simplification Together” ang panaghiusa sa ASEAN ug OECD aron pasimplehon ang mga regulasyon alang sa mas maayong serbisyo publiko ug kalamboang pang-ekonomiya.
Nakabase ang pagtigum sa Simplifying for Success (S4S) initiative sa OECD nga nagtabang sa mga gobyerno sa pagtukod sa mas episyente nga sistema sa regulasyon.
Gipakita sa kalihukan ang oportunidad sa matag nasud nga magpa-ambit sa praktikal nga pamaagi ug estratehiya sa pagpasimple sa mga regulasyon, ilabe na sa mga processing sa mga paper works o dukumento.
Gituohan nga kini nga panaghiusa maghatag sa direkta nga benepisyo sa katawhan ug negosyo pinaagi sa mas klaro ug mas sayon nga proseso sa pamalaod.
