Walay himoong kabag-ohan ang gikatakdang pagbisita ni Presidente Ferdinand Marcos Jr. sa China taliwala sa panagbayloay sa mga pahayag sa Chinese embassy ug pipila ka opisyal sa kagamhanan.
Kini ang gigarantiya ni Palace Press Officer Undersecretary CLaire Castro, atol sa gilusad nga press briefing sa Malakanyang, kagahapon.
Gitubag ni Castro ang pangutana sa prensa ug nag-ingon nga nagpabilin ang diplomatikong pamaagi sa pakiglambigit sa Pilipinas sa China ug walay agresyon sa panig sa Presidente.
Masaligon si Castro nga mahimong maayong kahigayunan ang panagtagbo sa duha ka lider aron mapalambo ang diplomatikong dayalogo tali nila Presidente Marcos ug Chinese President Xi Jinping.
