Dili mausik ang mga ebidensya nga nahipos sa prosekusyon, human nila gitagak ang tolo ka artikulo sa impeachment ni Vice President Sara Duterte.
Kini ang pagtoo ni Palace Press Officer Atty Claire Castro, humangikan sa upat, mipukos nalang sa artikulong unexplained wealth ang team nila Lead Prosecutor ug Batangas 2nd District Representative Gerville Luistro.
Miingon si Castro nga gipasaligan sila ni Luistro, ug mahimong gamiton ang ilang nahipos nga ebidensya sa ubang law enforcement agencies nga kasamtangang nag-imbestigar sa kaso nga gi-atubang ni VP Sara.
Mahinumduman nga mismo si Lustro ang misulti nga walay angay nga ikabalaka ang publiko kay ang Department of Justice (DOJ) maoy nagdumala sa reklamong grave threats, samtang nagpahigayon na usab sa ilang imbestigasyong ang Office of the Ombudsman bahin sa alegasyon sa confidential funds ug bribery batok sa Bis Presidente.
