Walay gipagawas nga kamanduan nga ibalik ang nagasto nga uprogrammed funds sa gobyerno. Kini ang gihatag nga katin-awan ni
Darlene Berberabe, sa Office of the Solicitor General.
Sa press briefing nga gilusad, miingon ang Solicitor General nga sila milaraw sa pagsumiter sa motion for partial reconsideration ug pagpangayo og klaripikasyon sa pipila ka bahin sa desisyon sa Korte Suprema, ilabi na sa gitawag nga “guardrails” sa paggamit sa pondo sa gobyerno.
Gipamugos sa OSG nga importante ang transparency ug fiscal discipline apan kinahanglan usab nga respetuhon ang konstitusyonal nga gahom sa Kongreso ug Ehekutibo sa pagdumala sa budget.
Sa oral arguments kaniadto, gihangyo usab ni Berberabe ang Korte Suprema nga gamiton ang operative fact doctrine aron malikayan ang dakong pagkabalda sa operasyon sa gobyerno kon adunay mga probisyon sa unprogrammed appropriations nga ideklarar nga supak sa Konstitusyon.
Gipasabot niini nga ang maong doktrina nagtugot sa pag-ila sa mga nahimo nang aksyon ug proyekto nga gipatuman sa maayong pagtuo o “in goof faith” sa wala pa ang desisyon sa korte.
Samtang nagpadayon ang isyu, giingon sa OSG nga ang mga kausaban nga gihimo na sa Kongreso ug sa Ehekutibo nagpasabot nga mahimo silang motul-id sa mga suliran sa panudlanan gamit ang ilang tagsa-tagsa ka gahumn sa konstitusyonal nga mandato.
