Gikompirmar ni Odianosen Ehiakhamen, assistant Director sa Nigeria Center for Disease Control nga adunay duha ka kaso sa ebola ang natala ug gitambalan sa ilang syudad. Ang mga pasyente pulos mga babaye nga taga Uganda ug miabot sa Abuja.
Nadala sa hospital ang mga pasyente human kini nagpakita sa mga sintomas sa ebola virus. Tungod sa insidente, ang tanan 44 ka mga closed contact sa duruha ang gipa-ilawom sa kwarantinas, lakip na ang mga health workers nga maoy nag-atiman kanila dihang wala pa hibaw-e ang ilang sakit.
Una niini, mitabi sa grabeng kabalaka ang mga residente sa Nigeria tungod kay nasayud sila nga paspas manakod ang bayrus ug makapatay.
Sa pagkakaron wala pay natala nga namatay sa bayrus sa Nigeria apan ang Democratic Republic of Congo, mitala na sa 4,646 ka tawo ang nakalas, sukad makumpirma ang unang mga kaso niadtong Mayo 2026.
