Nasakmit sa Los Angeles lakers ang ilang ikaduhang sunod-sunod nga kadaugan sa pagsugod sa regular season human nila gipildi ang koponan sa Los Angeles Clippers, sa iskor nga 125-117.
Nanguna sa maong dula sa Austin Reaves sa Lakers sa iyang 28 ka puntos ug 9 ka assists, samtang nakatala usab si Walker kessler ug 22 ka puntos ug 6 ka blocks.
Mitampo usab si Luka Doncic og 23 ka puntos taliwala sa career-high nga 11 ka tunovers. Sa una nga quarter, unang nakalabaw ang Clippers sa iskor nga 31-27, apan mibawi ang Lakers sa ikaduha nga quarter ug nagtala og iskor nga 64-64 sa pag-abot sa halftime.
Misamot sa pagka-agresibo ang Lakers pag-abot sa third quarter pinaagi sa 13 puntos nga labaw sa iskor nga 103-90, samtang gisulayan pag-apas sa Clippers pag-abot sa fourth quarter human niini magtala og 27 ka puntos kung itandi sa 22 ra ka puntos sa Lakers, apan dili kini igo aron mailog ang kadaugan.
Pinaagi sa pagpanguna ni Reaves ug Kessler, napadayon sa Lakers ang ilang labaw ug hingpit nga nasakmit ang kadaugan sa iskor nga 125-117.
Gikatakdang sunod nga makaatbang sa Lakers ang Utah Jazz karong Dominggo.
