Giangkon ni Senador Francis “Chiz” Escudero nga gibati na siya og kakapoy isip presiding officer sa impeachment trial batok kang Vice President Sara Duterte.
Matud ni Escudero, gibati na siya og kakapoy sa iyang katungdanan isip presiding officer sa impeachment trial sa Bise Presidente, apan galugwayan lamang niya ang iyang pailob.
Dugang sa Senador, ang pinakalisud nga hagit nga iyang giatubang isip presiding officer kay kinahanglan niyang tugotan ang pipila ka mga butang ug ang pagpugong sa iyang kaugalingon nga mo-react sa mga pahayag bisan pa og dili kini niya gustong madunggan.
Bisan pa niana, nakakat-on si Escudero nga lugwayan ang iyang pailob ug maminaw sa panig sa duha ka kampo, uyon man siya o dili sa ilang mga pamahayag. (raniel mahunyag)
