Gipasiugda ni Senador Francis “Chiz” Escudero nga dili niya dawaton ang bisan unsang itanyag nga mahimo siyang Bise Presidente kon ugaling ma-impeach si Vice President Sara Duterte tungod sa posibleng conflict of interest niini.
Matud ni Escudero, dili kini mahimong makatarunganon tungod kay lakip siya sa mga senator-judge nga maghukom sa conviction o acquital sa Bise Presidente sa impeachment trial.
Samtang, nakalatid sa batakang balaod nga kung mabakante ang posisyon sa Bise Presidente sa nasud kay mamahimong magtudlo ang Presidente og mohulip nga gikan sa mga miyembro sa Senado o House of Representatives, diin kinahanglan makakuha ang na-nominate og majority vote sa tanang miyembro sa duha sa kapulungan sa Kongreso aron makalingkod sa maong bakanteng posisyon. (raniel mahunyag)
