Gipaambit sa legal counsel ni Senador Ronald “Bato” dela Rosa nga si Atty. Israelito Torreon nga nagpasaka na sila og manipestasyon ngadto sa Korte Suprema.
Kagahapong adlawa, pinaagi sa e-filing sa Korte Suprema, ilang gipasaka ang manipestasyon nga dunay lakip nga hangyo ngadto sa hukmanan.
Gihangyo sa kampo na hingpit nang sulbaron sa Korte ang ‘motion for reconsideration’ nila ug hatagan og higayon nga huna-hunaon pag-usab ang pag-isyu og Temporary Restraining Order.
Mahinumdoman sa una nang manipestasyon sa Senador kay gibasura sa Korte Suprema ang hangyo niini nga magpagawas og TRO.
Midangop kaniadto ang senador sa hukmanan sa tinguha nga mapugngan nga masikop kini sa mga otoridad gamit ang warrant of arrest gikan sa International Criminal Court, apan wala kini gipaburan sa korte tungod matud pa kay kulang sa merito ang mosyon sa magbabalaod aron mag-isyu og TRO ang hukmanan. (raniel mahunyag)
.jpg "Usec. Castro, gipamugos nga premature ang hisgutanan sa paghulip kang VP Sara")
