Milapas na sa 5,000 ang ihap sa mga namatay tungod sa Ebola Outbreak sa Democratic Republic of Congo sumala sa gipagawas nga datos sa kagamhanan.
Miabot na sa 10,000 ka tawo ang natalang infected sugod pa niadtong bulan sa Mayo, samtang wala pa gihapoy aprubadong tambal o bakuna aron nga mabatokan ang talagsaong matang o strain sa Ebola Virus nagmugna og Bundibugyo virus disease (BVD).
Basi sa mga tala sa otoridad, walo sa 26 ka probinsya sa Congo ang apektado na sa Ebola Virus, diin daghan ang natalang nakbsan og kinabuhi sa gawas sa mga treatment centers.
Ang pagkaylap sa Ebola outbreak karong tuiga kay giila isip ikaduhang pinakadako sa kasaysayan sa kalibutan, sunod lamang kini niadtong tuig sa 2014 hangtud 2016 nga nakatakod og halos 28,600 ug nakapatay og halos 11,000 sa Guinea, Liberia, ug Sierra Leone.
Niadtong miaging semana, ang Nigeria ang ika-upat nga nasud sa Africa nga adunay natalang kaso sa Ebola, samtang midugang usab ang nasud sa Kenya ug Uganda sa East African countries nga nakatala og kaso sa Ebola. (raniel mahunyag)
