Gibutyag sa House Prosecution Panel nga ang mga opisyal nga rekord kay nagpakita nga nagpadayon sa pagsalmot si Vice Presidente Sara Duterte sa mga negosyo taliwala sa constitutional ban.
Matud ni prosecution adviser ug spokersperson Robert Ace Barbers, ang Statement of Assets, Liabilities and Net Worth (SALN), General Information Sheet (GIS), ug tax returns kay nagpakita nga nagpadayon sa pagnegosyo ug nikita pa gihapon isip abogado ang Bise Presidente nga usa ka dayag nga paglapas sa batakang balaod sa nasud.
Gipadayag pag-usab ni Barbers nga lisud ipanghimakak ang mga ebidensyang gipresenta sa prosekusyon tungod kay ang mga dokumentong gibasihan niini kay nagagikan mismo sa kampo sa depensa.
Dugtong niini, hugot ang pagsalig ni Barbers nga maglisud ang depensa tungod kay gatuo kining wala silay ebidensya aron kontrahon ang mga gipresentar sa prosekusyon. (raniel mahunyag)
