Bea Millan-Windorski, andam na sa Miss Universe Coronation Night sa Nob-24 sa Puerto Rico

Milarga na si Bea Millan-Windorski, ang Miss Universe Philippines 2026, ngadto sa Puerto Rico uban ang suporta ug pagdasig sa katawhang Pilipino human sa iyang send-off ceremony sa NAIA Terminal 1.

Gipakita niya sa wala pa ang pagbiyahe ang iyang Filipiniana-inspired outfit nga nagsimbolo sa kusog, dignidad sa babayeng Pilipina, ug bahandi sa kulturang Filipino.

Gipaambit usab ni Bea sa social media ang mensahe nga, “The Filipino is worth fighting for,” isip pagpakita sa iyang garbo sa pagrepresentar sa nasod. Iyang irepresentar ang Pilipinas sa ika-75 nga edisyon sa Miss Universe nga ipahigayon sa Puerto Rico karong Nobyembre 24.

Gilauman sa mga Pilipino nga makahimo si Bea sa maayong kampanya ug posibleng maibalik ang korona nga katapusang nakuha sa Pilipinas pinaagi kang Catriona Gray niadtong 2018.