Gikuwestiyon sa prosekusyon ang paggamit sa mga assesor isip testigo sa kampo sa depensa sa nagpadayong impeachment trial ni Vice President Sara Duterte.
Matud ni House prosecution spokesperson ug Lanao del Sur Representative Zia Alonto Adiong, dili igo ang mga tax declaration ug valuation records aron mapamatud-an ang pagpanag-iya sa usa ka kabtangan o pamatud-an nga ang kabtangang nga nakalista sa SALN kay mao ra usab ang anaa sa titulo sa yuta.
Dugang pa ni Adiong, ang mga opisyal sa Registry of Deeds ang angayang gigamit nga testigo sa depensa aron pamatud-an kung nadeklara ba ang maong kabtangan tungod kay sila ang nagtipig sa mga opisyal nga rekord sa pagpanag-iya sa yuta.
Sa kasamtangan, nagpabilin gihapon ang prosekusyon sa ilang baruganan nga ang duha ka kabtangan kay wala nadeklarar sa hustong paagi, samtang gipamugos sa kampo sa depensa nga napadayag og husto ang maong kabtangan. (raniel mahunyag)
