Gipasiugda pag-usab ni House Prosecution Spokesperson Robert Ace Barbers nga nagpabiling lig-on ang mga ebidensya nga gipresenta sa kampo sa prosekusyon bisan pa nga duha na ka assessor ang gipresenta sa depensa aron motestigo.
Matud ni Barbers, nagpabiling “consistent” ang kampo sa depensa sa punto nga wala gihapon nila matay-og ang ebidensya ug mga testimonya sa mga testigong gipresenta sa prosekusyon.
Dugang pa sa tigpamaba, tin-aw kaayong wala matubag ni Island Garden City of Samal Assessor Engr. John Kenneth Enumerables ang pangutana ni private prosecutor Benjamin “Jay” Tolosa Jr. atol sa cross-examination, diin wala gihapon mahatagan og katin-awan kung ang ang kabtangan nga gihisgutang wala madeklara sa SALN ni Vice President Sara Duterte kay ang giingon usab sa depensa nga nadeklara.
Gipasiguda usab sa tigpamaba nga dunay duha ka managlahing set sa kabtangan, diin ang usa niini kay wala gayud madeklara sa SALN sa Bise Presidente. (raniel mahunyag)
