Nakumpiska sa mga otoridad sa usa ka warehouse sa Barangay Dalandanan, Valenzuela City, karong Martes, Nobyembre 10 ang gidudahang smuggled products nga dunay kinatibuk-ang kantidad nga 524 milyon pesos.
Ang nakumpiskang mga produkto kay gilangkuban sa carrots, luy-a, munggos, mani, ug sibuyas nga maoy pinakadaghan nga dunay 99,289 ka sako.
Matud ni Bureau of Customs (BOC) Commissioner Ariel Nepomuceno, ang maong mga produkto sa agrikultura nga nakumpiska kay walay dokumento alang sa pormal nga pagsulod sa nasud.
Dugang pa ni Neopomuceno, ang indibidwal nga nagpaluyo sa nadiskubreng smuggled goods kay mag-atubang og mga kaso tungod sa kalapasan sa Anti-Agricultural Economic Sabotage Act of 2024 ug ang mga nanag-iya sa maong bodega kay gihatagan og 15 ka adlaw aron maghatag og mga dokumento nga makapamatuod nga dili smuggled ang maong mga produkto. (raniel mahunyag)
