Gikuwestiyon ni Senator-judge Erwin Tulfo kung ngano wala gitaho ni Samal City Assessor Engr. John Kenneth Enumerables ngadto sa Register of Deeds ang wala pagtukma sa pipila ka detalye sa mga dokumento sa yutang nakapangalan kang Atty. Manases Carpio nga kapikas ni Vice President Sara Duterte.
Ang maong kabtangan sa Island Garden City of Samal kay bahin sa pagtuki kung nadeklara ba kini sa SALN sa Bise Presidente.
Sa pagpangutana ni Tulfo, giangkon ni Enumerables nga dili nila sagad nga gakontakon ang Register of Deeds kung dunay kalahian sa mga dokumento tungod kay dili matud pa kini sakop sa ilang trabaho ang maong buhatan.
Sa laing bahin, wala kini giuyonan sa Senador ug gipamugos niini nga kinahanglang pa gihapong ipahibalo ang ingon niining mga problema aron masiguro nga walay depekto o peke nga titulong gihawiran sa mga mopalit og yuta. (raniel mahunyag)
