Misaka pa sa walo ka tawo ang patay, lakip ang duha ka bata ug duha ka construction workers, human nahugno ang tres-andanas nga apartment building sa Flatbush, Brooklyn sa New York City.
Dul-an 18 pa ka indibidwal ang na-angol ug nagsilbing survivors sa hitabo. Samtang milusad sa rescue operation, laing upat ka responders nga bombero ang naangol. Nahitabo ang operasyon samtang mibunok ang ulan.
Base sa inisyal nga pakisusi, nahitabo ang pagkahugno samtang nagpadayon ang pagpangubkob o excavation work sa tupad nga luna.
Tungod niini, gipalapdan ni New York City Mayor Zohran Mamdani ang imbestigasyon ug gimando ang pag-inspeksyon sa kapin sa 100 ka construction sites nga konektado sa kompanya nga nagdumala sa maong proyekto.
Gipasalig sa mayor nga manubag ang bisan kinsang indibidwal o kompanya nga mapamatud-ang nagpabaya ug maoy hinungdan sa makalilisang nga trahedya.
