Gisaway sa League of Filipino Students ang lakang sa gobyerno nga pagtabon sa mga pinuy anan sa mga kabus kon urban poor atol sa pagpahigayon sa ASEAN Summit dinhi sa nasud.
Matud ni League of Filipino Students National Vice Chairperson Summer Libelle Espiritu, tataw nga gikaulaw sa kasamtangang administrasyon ang tinuod nga kahimtang sa kapobrehon nga wala niini masulbad.
Gipasabot ni Espiritu nga buot lamang itago sa gobyerno ngadto sa mga lider sa kalibutan ang kapakyasan niini sa pagtubag sa nagkadaiyang suliran sa nasud.
Dugtong sa lider sa kabataan nga bisan pa man sa kadaghang bahandi sa Pilipinas, nagpabilin gihapon nga nag antos sa kalisod ang kadaghanan sa mga Pilipino.
