Kabukiran sa Mindanao ang maoy mag antos sa dinagkong pagmina aron lamang mapadagan ang gikabalak ang proyektong Pax Silica didto sa Luzon.
Sa pakighinabi sa Bombo Radyo, gibutyag ni Youth Against Pax Silica Coordinator Heroine Marish Fernandez nga base mismo sa report sa Bases Conversion and Development Authority, kuhaon gikan sa Mindanao ang mga gikinahanglang nickel, copper, ug rare earth minerals aron ibuhi sa maong proyekto sa Tarlac.
Gipasidan an ni Fernandez nga ang pagpangalot sa maong mga mineral moresulta sa pagkaupaw sa mga lasang nga mopasamot pa sa kainit sa panahon dinhi sa rehiyon.
Dugtong sa lider sa mga batan on nga dakong hulga usab kini sa mga Lumad sa Mindanao nga posibleng mapapahawa sa ilang yutang kabilin bugti sa usa ka langyawng proyekto nga adto tukuron sa Luzon
