CAGAYAN DE ORO CITY – Gihimakak sa kompanyang A Brown Incorporated nga gidali-dali ang pagpirma sa joint venture agreement tali sa gobiernong-probinsyal sa Misamis Oriental.
Gibutyag ni Atty Antonio Soriano,corporate legal counsel sa kompanya nga tuig 2022 pa nasugdan ang tanyag sa provincial govt ug taas ang giagian nga proseso ayha napirmahan ang kontrata ning semanaha lamang.
Siya miingon nga dili imposible nga adunay mga pundok nga posibleng mosang-at sa mga kaso kay e-kuwestiyon ang legalidad sa maong transaksyon.
Apan nagtoo kini nga ensakto ang gisudlan nila nga proseso ug andam sila nga panalipdan ang kontrata bisan kon moabot pa sa Korte Suprema.
