“A night of music”. Kini ang ihalad sa mga supporters ni kanhi Presidente Rodrigo Duterte alayon sa selebrasyon sa iyang ika-81 nga adlaw nga natawhan, ning adlawa. Namahayag si City Councilor Girlie Balaba nga ipahigayon ang aktibdad sa Kiosko Kagawasan, Divisoria sugod alas 5 sa hapon. Tumong niini nga mapalanog sa tibook kalibutan ug hangtud didto sa The Hague Netherlands nga wala nila malimti ang maayong nabuhat sa kanhi presidente dihang siya pa ang mipungko sa Malakanyang. Gi-awhag ni Balaba ang tanan mutambong nga musubay sa ipatuman nga security protocol kay mu-uban kanila ang mga kapulisan aron magsilbing crowd control kun ugaling mudagsa ang libuang mga suporters ni “Tatay Digong” sa maong lokasyon, unyang gabie.
