CAGAYAN DE ORO CITY-Gi-awhag ni Cagayan de Oro Press Club o COPC president Msgr Elmer Abacahin ang simbahang Katoliko ug survivors sa bagyong Sendong ang makanunayong pag-ampo sa “oratio imperata” kon “obligatory prayers” batok sa mga katalagman sa syudad ug lalawigan.
Maoy sentro sa pag-ampo nga gipaambit ni Abacahin ang pagpangayog pasaylo sa tanan man-made calamities ug mga kalamidad nga hinimoan sa natural nga pagbag-o sa klima sa kinaiyahan.
Nanghinaut si Abacahin nga makakat-on sa pagpangga sa kinaiyahan ang katawhan ning syudad human sa nahitabong trahedya, unom na ka tuig ang milabay nga mikalas sa libuang kinabuhi sa tawo.
Gihimo ni Abacahin ang awhag alayon sa subli paglab-as sa ika-unom ka tuig nga anibersayo sa bagyong Sendong nga miigo sa pipila ka bahin sa Northern Mindanao ilabina dinhi sa syudad.
