CAGAYAN DE ORO CITY-Gisikop ug detinado na ang abogado nga giakusahan nga nagpabuto sa kalibre 45 nga armas sulod sa subdivision sa Grand Europa, Brgy Lumbia ning syudad.
Giila ni C/Insp Gaudencio Rey Taboclaon, hepe sa Lumbia Police Station ang suspek nga si Atty Laurence Edgardo del Puerto, 37 anyos ug kanhi legal counsel sa Department of Education o Dep-Ed ning syudad.
Miingon si Taboclaon nga nagtoo sila nga adunay gihambin nga suliran ang suspek tungod sa gipakitang taras niini sulod sa mini-cell sa ilang buhatan.
Una niini, mibati’g kabalaka ang mga silingan ni Del Puerto sa giingong pagpabuto’g armas hinungdan nga nakapangayo kini’g tabang sa kapolisan.
