Nahuwasan sa pagkabalaka si kanhi City Councilor Atty. James Judith human sa mga isyu nga nahitabo sa Senado ug nahitabong kausaban karon sa liderato sa Senado.
Alang kaniya, maayo na lamang nga nakatambong na ang mga senador sama nila Joel Villanueva ug Chiz Escudero aron makapadayon ang trabaho sa nasudnong institusyon.
Bisan pa man sa iyang pagbati sa kahupayan, wala niya ikalimod nga normal lamang sa mga politiko ang makigbisog aron mahimong majority o makabawi sa ilang posisyon.
Tungod niini, nanawagan siya sa mga magbabalaod nga dili unta damayon ang interes sa publiko sa bisan unsang politikanhong panagbangi.
Puntos niya nga ang pag-alagad sa katawhan angay gayod nga magpabilin nga labaw pa sa bisan unsang personal nga interes o politika
