CAGAYAN DE ORO CITY-Gidangop karon ni Atty Ernie Palanan sa National Intelligence Coordination Agency o NICA-10 ang kabahin sa iyang seguridad.
Kini bisan sa pasalig sa kampo ni dismissed Police Supt Michael John Deloso ug PO2 Ernesto Galleto nga walay dautang mahitabo kang Palanan.
Gihimo ni Palanan ang pagpatabang sa NICA ug militar sa pagsiguro nga dili siya mabutang sa peligro.
Una niini,dismayado si Deloso sa pagkatangtang sa ilang trabaho tungod sa kasong extortion sa Ombudsman apan gipasalig niya kang Palanan pinaagi sa Bombo Radyo nga walay dautan nga mahitabo kaniya.
Hisayrang mismo ang Ombudsman ang naglangkat sa trabaho ni Deloso ug Galleto tungod sa kasong serious dishonesty ug grave abuse of authority gumikan sa isyu sa extortion diin nakuhaan sila’g P6-mil cash atol sa NBI-10 entrapment operation tuig 2014 sa syudad.
