CAGAYAN DE ORO CITY- Nakabsan sa kinabuhi ang usa ka abogado nga gikan pa sa General Santos City sulod sa Legislative Bldg sa City hall ning syudad.
Gibutyag ni CDRRMD head Allan Porcadilla nga dunay hearing nga igo untang tambungan ni Atty Cornelio Gallajo III apan wala damha nga kini atakihon sa kasing – kasing.
Saysay pa sa ig-agaw sa biktima nga nagbaton sa pacemaker ang nasampit nga abogado ug posibleng na hago ang iyang kasing-kasing atol sa pagsaka sa ikatulong andana sa legislative hall.
Hinoon, gilayong gi-respondihan sa CDRRMD ang biktima apan, gideklarar kining patay pipila ka segundos nga gipaningkamutan siyang i-revive sa mga doctor sa usa ka pribadong hospital sa dalang Velez ning syudad.
Gitumbok sa mga doktor nga cardiac arrest ang hinungdan sa kamatayon sa biktima.
