CAGAYAN DE ORO CITY-Gibalhog na sa Lumbia City Jail ang suspected drug pushers-users nga gilakipan ni Douglas Galam;Atty Ben Johnson Pabili ug Richard Edroso Tejero.
Kini human sila unang nasikop sa PDEA-10 tungod sa paggamit sa droga ug pagkakuhai sa 30 gramos nga shabu sa Brgy Patag ning syudad sa miaging semana.
Gibutyag ni PDEA agent Ben Calibre nga lig-on ang ebidenya sa mga operatiba batok sa kasong gipasaka kang Galam kinsa tag-iya sa balay nga nagsilbing drug den.
Una nang gipanghimakak ni Galam nga nakuhaan sila’g 30 gramos sa shabu apan miangkon nga tiggamitan sa droga.
Samtang gawasnon na ning panahona ang duha sa kauban ni Galam nga kabahin sa nadakpan sulod sa usa ka gitoohang drug den sa Brgy.Patag ning syudad.
Kini human gibasura sa korte ang kaso nga gipasaka sa PDEA-10 batok kanila ni Direk Du ug kanhi national dart player nga si Alex Tagarao.
Gibutyag ni Calibre nga wala makumbinser ang korte sa kaso nga ilang gipasaka ilabina ang section 6 sa akta republika 9165 nga maintenance of drug den ug visitors of drug den tungod sa kakulang sa ebidensya.
