CAGAYAN DE ORO CITY-Nasikop ang laing aktibong abogado pinaagi sa anti-drug buybust operation dihang nakig-transaksyon sa pulis sa Velez Street sa syudad kagabii
.Giila ni Sr/Insp Excelo Alcantara,hepe sa City Drugs Enforcement Unit o CDEU ang suspek nga si Atty Marlon Yap,39 anyos nga nagpuyo sa condo unit sa syudad.
Nakuhaa’g tulo ka suspected sachets sa shabu,P500 marked money ug celphone si Yap atol sa operasyon.
Gikompirmar usab ni Alcantara nga top no.9 sa city level sa PDEA ug PNP tungod sa giingong kalambigitan sa pagbaligya’g gidiling droga.
Sa miaging mga bulan,may nasikop usab nga aktibong abogado ang mga otoridad tungod sa pagpayuhot sa gidiling droga ning syudad.
Samtang pagdumot sa iyang trabaho ang usa sa gidudahang hinungdan ni Yap kon nganong gidakop siya sa sakop sa City Drugs Enforcement Unit.
Nangugat si Yap nga kalit lang siya gisignit sa lima ka dagkong lalaki nga una niyang gitoohang kidnappers sa dihang igo lang kini nagbaklay sa dalang Velez ning syudad.
Gipamugos ni Yap nga wala siya sukad misulod sa ilegal nga transaksyon kay sayod siya nga supak kini sa balaod ug makadaut sa iyang propesyon.
