CAGAYAN DE ORO CITY – Gisupak sa laing higayon sa simbahang katolika ang balaodnon nga makapabuak sa gisaad nga paghiusa sa magtiayon nga nagpakasal sulod sa simbahan.
Namahayag si Monsignor Perseus Cabunoc, vicar general sa archdiocese sa Cagayan de Oro ug kura paroko sa Senior Jesus Nazareno Parish nga protektado sa konstitusyon ang kabalaan sa pagminyo ug pamilya.
Dismayado si Cabunoc sa bag-ong nagligid nga balaod sa Diborsyo tungod kay maabushan na kini sa pipila ug mawala na ang bili sa ka sagrado sa kaminyoon.
Subli, gi-awhag ni Cabunoc ang mga buot mag-minyo nga huna hunaon ug maayo ang sudlan nga desisyon ug puy-an kini nga desisyon oras nga musulod na sa salag sa kaminyoon.
Sa pikas bahin, gi-enkorahe sa monsinyor ang tanan police makers nga inay pagbuak sa kaminyoon, mas maayo nga magmugna silag balaod nga makapakusog sa gahom sa pamilya.
Samtang magdala sa alarma alang sa family advocate groups ang napasar nga balaodnon sa kamarabaha.
Gibutyag ni Stella Ferrarez, lisensyadong psychometrician ug mental health Life coach nga posibleng maabusaran sa pipila ang pagpasar sa balaod ilabina kay mabuak ang paingkamot sa mga nag-adbokar nga dili bungkagon ang “sanctity of marriage”.
Sa pikas bahin, giila ni Ferrarez nga kadaugan sa mga babayeng gi-abusaran o biktima sa domestic violence ang balaodnon kay makalinggawas na sila sa kinabuhi nga dugay na silang nag-antos ug maprotektahan na sila.
Sa pikas bahin,mibatig pagsubo ang Sangguniang Laiko ng Pilipinas human napasar sa 3rd and Final Reading sa kongreso ang sugyot balaodnon.
Namahayag ang bise-presidente sa grupo nga si Atty Proculo Sarmen nga mibatig kaalarma ang iyang mga kauban sa organisasyon lakip na ang mga miyembro sa Christian Family Missionary tungod kay gihimo nang hingpit ang diborsyo nga gustong ipa-implementar sa nasud.
Nagtoo si Sarmen nga gisakyan kini sa interes sa pipila ka politiko tungod kay daan nang protektado sa family code ang matag-pamilya sa Pilipinas.
Una niini gikuwestiyon ni Sarmen ang pagrepaso sa family code ug pag-abante sa balaodnon sa kamarabaha tungod kay dugay nang naglihok ang kaso batok legal separation.
Giila sa Sangguniang Laiko ng Pilipinas nga anti-family ang maong sugyot.
Napasar ang balaodnon sa absoluto-diborsyo sa boto nga 126;109 ang supak ug 20 ang walay gipaboran ayha nag-adjourn ang regular session sa kamarabaha.
Hisayrang sa tibuok kalibutan sa kasamtangang panahon,bugtong Pilipinas ug syudad sa Roma diin nakabase ang liderato sa simbahang Katoliko ang pabiling dakong supak sa isyu sa diborsyo ug ubang balaod makaguba sa pondasyon sa pamilya.(with script of Bombo Ann Quileste).
