CAGAYAN DE ORO CITY – Gikompirmar ni Vatican’s Secretary of States Archbishop Paul Gallagher nga tipik sa isyu nga iyang hisgutan ang kabahin sa balaodnon sa diborsyo dinhi sa nasud.
Kini alayon sa pakigtagbo sa Vatican official sa mga obispong Katoliko nga anaa sa ilang ikaduha nga adlaw sa holy retreat sa Malaybalay City,Bukidnon.
Miingon si Gallagher nga hinoon wala nagpakita’g indikasyon nga dunay direktang lakang nga gihimo si Pope Francis apan gisalig niini sa Catholics Bishops Conference of the Philippines o CBCP bishops ang pagsulbad niini nga isyu kuyog ang mga opisyal sa kagamhanan.
Napasar ang balaodnon sa kamarabaha sa miaging Mayo ning tuiga.
“Well, the teaching of the Catholic Church with regard to marriage is very clear and very well known.“And at the pastoral level, the question is within the competence of the bishops’ conference of the Philippines and the individual bishops.We, as the Holy See,would obviously encourage Filipino Catholics, particularly their political leaders, to listen to their pastors and to try and offer whatever is the best approach to this. But it is essentially a matter for the bishops, who I will be seeing these days in Mindanao”.
Sa pikas bahin,gipalanog ni Pope Francis pinaagi ni Gallagher ang apelar sa Vatican nga angayang magbaton sa seryoso nga dayalogo ang Pilipinas ug China pag-abot sa isyu sa West Philippine Sea.
Kini ang tubag ni Gallagher sa iyang pag-atubang sa prensa pag-abot niya sa kauluhan gikan sa Vaticano.
Miingon ang arsobispo nga nahingawa usab ang Santo Papa sa posibleng dangatan sa nagkainit nga isyu tungod sa inilogay sa teritoryo tali sa China ug Pilipinas.
”We would encourage parties in conflict to abide by international law and to pursue that as a way of resolving difficulties and problems with the best interests of all involved”.
Si Gallagher ang mahidangat sa rehiyon ning adlawa aron tambungan ang holy retreat sa mga obispo sa CBCP sa Bukidnon ug ika-128 nga plenary assembly dinhi sa syudad ugmang adlawa.
Dugtong niini,gipatuman sa kapolisan ang hugot nga seguridad alang sa paghidangat ni Gallagher sa Laguindingan Airport padulong sa Bukidnon ning adlawa.
Kini samtang magsilbi siya nga usa sa mga mamumulong sa holy retreat sa mga arsobispo sa CBCP nga nagtigom sa sukad pa sa miaging adlaw’ng Lunes.
Miingon si Police Regional Office 10 spokesperson Maj Joann Navarro nga naka-sanitized ang mga lokasyon nga agian sa top Vatican official alang sa maong gimbuhaton.
Hisayrang apil sa dakong kalihukan nga tambungan ni Gallagher ang ika-128 nga CBCP plenary assembly ning syudad sugod Hulyo 5 hangtod 8.
