Padayon nga gipaulanan sa Iran og ballistic missiles ang pipila ka kaalyado sa U.S. ug Israel sa Middle East human sa ilang pag-atake sa miaging semana.
Sa interbyu sa Bombo Radyo, si Maribe Ligando, usa ka OFW sa Abu Dhabi, nag-ingon nga dili na malikayan ang kahadlok matag makadungog sila og pagbuto ug nakakita pa siya sa mga missile nga murag bituon nga nangahulog.
Nabalaka siya tungod kay duol ang iyang puy-anan sa usa ka U.S. military base nga posibleng target sa sunod nga mga atake.
Sa ulahing report, kapin lima ang namatay samtang labaw sa 50 ang naangol sa insidente sa Abu Dhabi.
