CAGAYAN DE ORO CITY-Napasaka na ang patung-patong nga kasong kriminal batok sa tulo ka sakop ug laing usa nga dismissed agent sa PDEA-10 sa piskalya ning syudad.
Kini may kalabutan sa pagpangulata ug pagpabuto’g mga armas nila ni PDEA members Randy Dollente;Jestoni Tubongbanua;Ramil Salido ug kanhi nila kauban Marvin Pabalate nga akusado sa pagpanghasi sa Fatima Subd,Brgy Pagatpat sa dakbayan.
Gibutyag ni Cagayan de Oro City Police Office spokepsperson Supt Mardi Hortillosa nga kabahin sa giatubang sa mga suspek ang attempted murder;illegal discharge of firearms ug multiple grave threats.
Hulaton usab sa kapolisan ang resolusyon sa korte kon kanus-a isaka sa Lumbia City Jail ang mga suspek nga mikulata ug mi-harass sa dul-ag- 10 ka taxi drivers sa maong lugar sa miaging semana.
