CAGAYAN DE ORO CITY, Philippines – Wala makalikay ang Paris Olympics sa epekto sa global outage nga dala sa kompanyang CrowdStrike.
Sa press conference, miangkon ang mga organizers nga apektado ang ilang IT operations nga maoy nagpaluyo sa accreditation system.
Ang accreditation maoy maghatag sa badge sa opening ceremony karong Hulyo 26.
Tungod sa outage, taas usab ang tsansa nga malangan ang pag-abot sa mga atleta kay apektado ang daghang international flights dala sa delay sa sistema sa operating system sa Microsoft.
Kagahapon, gideploy dayon ag technical team aron i-activate ang ilang contingency plans aron dili malangan ang ilang operasyon.
Kahinumduman nga giangkon sa Microsoft company nga kasamtangan pa nilang gitul-id ang ilang depektoso nga software update gikan sa cybersecurity company nga CrowdStrike.
