CAGAYAN DE ORO CITY, Philippines – Ma-oktaba ang pagbukas sa unang adlaw sa klase sa kapin-libo ka mga tunghaan sa Northern, Central ug South Katagalugan.
Nunot kini sa damyos nga nahiaguman sa mga lawak saringan nga humod pa sa tubig baha ug lapok.
Unang namahayag si Department of Education Secretary – Senator Sonny Angara nga kapin 90 pa ka tunghaan sa Luzon ang mi-apelar sa ilang ‘class suspension’ sa Lunes.
Lakip sa ilang rason ang pagkaguba sa mga bangko, pultahan, pagkabasa sa mga libro, samtang ang ubang lawak, gigamit pa isip evacuation centers.
Sa pikas bahin, misugyot ang Alliance of Concerned Teachers nga ibasura na sa DepEd ang blended learning kay walay makat-unan ang mga bata sa maong proseso ug muhimog pamaagi aron masubay ang gitakdang school calendar sa DepEd.
Base sa record nga nahuptan sa ACT, misaka pa sa 1,215 ka tunghaan ang nagdeklarar nga dili magbukas ning semanaha.
