Taliwala sa pagpasigarbo ni Presidente Ferdinand Marcos Jr. kagahapon sa iyang SONA mahitungod sa padayon nga pagpatuman sa umento sa sweldo ubos sa Executive Order No. 64—nga anaa na karon sa ikatulong tranche karong tuiga 2026 para sa mga mamumuo sa gobyerno apil ang mga public school teacher—wala pa gihapon makahatag og klarong pahayag ang presidente kon paboran ba niini ang dugang usbaw nga gipangayo sa mga magtutudlo.
Busa, nagpadayon gihapon ang panawagan sa mga grupo sa magtutudlo sama sa Alliance of Concerned Teachers oalang sa mas dako ug sustansyal nga salary hike, o ang panukalang 50,000 pesos nga entry-level salary, ilabi na karong panahona nga taas kaayo ang mga gastuhonon ug giatubang nga krisis sa edukasyon.
Sumala pa ni Roland S. Cruz gikan sa ACT Northern Mindanao, padayung naga-singgit ang mga magtutudlo sa dugang suholan aron makabuhi ug makabaton sa tukmang dignidad ang ilang kinabuhi.
Gipasabot usab niya nga medyo nabyaan gyud ang mga pampublikong magtutudlo nga padayon gihapon nga nag-antos sa kakulang sa sweldo taliwala sa mga kalisod nga ilang giatubang matag adlaw.
