Hugot nga gikondena sa pundok sa mga magtutudlo ang kontrobersyal nga pamahayag ni Palace Press Officer Claire Castro batok sa ilang sektor.
Kini ang gipadayag ni ACT Teachers Northern Mindanao Coordinator Roland Cruz samtang iyang gihatag ang ilang bug-at nga pagkontra sa maong pamahayag.
Matud pa sa maong pundok, imbes nga makatabang sa kahimtang sa mga magtutudlo ug sa mga estudyante, mas maayo pa nga maghimo una og research si Castro bahin sa tinuod nga sitwasyon sa dili pa magpagawas og mga pamahayag nga ilang gihulagway nga makadaot ug murag nagbasol pa sa mga magtutudlo.
Gidugang pa ni Cruz nga tataw ang paningkamot sa mga magtutudlo nga magiyahan ang mga kabataan ug malayo sa peligro, busa angay lang nga usisaon una sa gobyerno ang tinuod nga hinungdan sa maong insidente kaysa sa magpataka og pasangil.-
