CAGAYAN DE ORO CITY, Philippines- Namatay na ang actor nga si John Aprea sa edad nga 83-anyos sa balay niini sa Los Angeles, California USA.
Wala na gibutyag kung unsay hinungdan sa kamatayon sa aktor.
Nagsugod siya paghimog pelikula niadtong 1968 diin maoy pinauna ang pelikulang nag-uluhag ‘Bullitt’.
Niadtong dekada 80 ug 90, nakita siya sa pipila ka mga TV shows sama sa ‘Full House’ ‘The Gangster Chronicles’ug daghan pang uban.
Naila siya sa pelikulang ‘The Godfather II’ isip batang Salvatore Tessio.
Una siyang nag-auditioned aron mobida isip Michael Corleone sa original nga ‘Godfather’ apan ang role napadulong sa actor nga si Al Pacino.
