MIPANAW na sa laing kalibutan ang beteranang aktres nga si Vangie Labalan sa edad nga 83 anyos, sumala kini sa kumpirmasyon sa iyang pamilya.
Nahitabo ang iyang pagtaliwam kagahapong adlawa Pebrero 12 ning tuiga, didto sa Australia human sa iyang pakigbisog sa sakit.
Daghang kauban sa industriya ug mga supporters ang mipadayag og lawom nga kasubo ug pagpasalamat sa iyang dako nga kontribusyon sa pelikula, telebisyon, ug teatro.
Nagpadayon karon ang paghatag og mga pahimangno ug tributo isip pagpasidungog sa iyang nabilin nga kabilin sa showbiz. (Phillip Ariata)
