CAGAYAN DE ORO CITY – Napamatud-an nga dili tinood nga nabangkaruta ang panudlanan ug nahiagom sa mismanagement ang syudad ubos ni re-elected City Mayor Rolando ‘Klarex’ Uy.
Kini ang gipalanog ni Janboy Actub,tigpamaba sa city govt nunot sa kadaugan sa mga kandidato sa alyasa ni Mayor Klarex ug Cagayan de Oro 2nd District Cong. Rufus Rodriguez.
Miingon si Actub nga taliwala sa grabeng kainit sa politika ug pagpangdaut sa kampo ni kanhi City Mayor Oscar Moreno batok sa administrasyon,apan gibugtian kini sa naghinobrang bot.
Kini aron mopadayon si Uy pagdumala sa dakbayan.
Dumduman nga pinakaulahi nga gipabuto sa kampo ni Moreno ang minilyong isyu sa cash advances ni Klarex ug ang daw napasagdan na nga pagdumala sa mga kalihukan sa syudad.
Hisayrang gisampit usab sa administrasyon nga angayang mag-abante na alang sa ikaayo sa syudad ug magpalig-on na alang sa sunod na usab nga han-ay sa piliay sa tuig 2028.
