CAGAYAN DE ORO CITY – Papel pa ug kolektahunon pa ang gikan sa local revenue sources ug national tax allocation ang gipangayo ni City Mayor Rolando ‘Klarex’ Uy nga 8.8 bilyones pesos nga city annual budget sa 2025.
Kini ang tubag sa kampo ni Klarex pinaagi sa iyang tigpamaba nga si Janboy Actub kabahin sa gitoohan ni kanhi City Mayor Oscar Moreno nga nag-budget ang syudad nga sobra ka walay basehan.
Miingon si Actub nga dakong bakak ang sulti ni Moreno nga dunay gipihig nga sakop sa konseho pagtuki sa tinuig nga pondo kay gihisgutan na kini sa lebel pa lang sa komitiba ayha sa executive discussion.
Namugos usab kini nga layo ra ang gitoohan ni Moreno nga tipik sa maong gipangayo nga pondo gamiton sa 2025 elections.
