CAGAYAN DE ORO CITY – Mitahan sa Police Regional Office 10 ang tulo sa gikaintapang sakop sa Acuman criminal gang nga naglihok sa westeng bahin sa Bukidnon partikular sa Talakag ug sa porsyon sa Lanao del Sur.
Kini human ang sunod-sunod nga operasyon sa kapolisan batok sa maong pundok.
Miingon si PRO 10 regional director Brig Gen Lawrence Coop nga maoy nangulo pag-surender ang mismong lider sa grupo nga si Dario Acuman kuyog ang laing duha niini ka miembro dala ang ilang pipila ka armas.
Giawhag usab ni Coop ang nabilin pang mga sakop ni Acuman nga motahan na sa daling panahon aron dili mabutang sa peligro ang ilang kinabuhi.
Hisayrang ang maong grupo nalambigit sa mga kasong pagpatay ug ubang dagkong mga kremin sa nahisgutang mga lugar.
