ESTADOS UNIDOS – Laraw sa sikat nga British singer nga si Adele nga mupahuway gikan sa paghimo’g musika ug mga salida.
Gibutyag sa 36 anyos nga world’s best-selling music artists nga gusto niyang e-relax ang iyang kaugalingon pagkahuman sa iyang serye sa mga show sa Las Vegas,USA.
Ang iyang mga pasundayag sa Las Vegas nagsugod sa miaging bulan ug gikatakda nga matapos sa Nobyembre 23, 2024.
Mitug-an si Adele nga gusto lang niya nga mopahuway’g gamay.
Nabantog ang British singer nga nakadaog sa Grammy Awards niadtong 2009 isip Best New Artist alang sa iyang album nga “19”.(Bombo Ann Quileste).
